Friday, October 04, 2013

ചില സെപ്തംബര്‍ സിനിമകളുടെ അവലോകനം

ദൈവത്തിണ്റ്റെ സ്വന്തം ക്ളീറ്റസ്‌

മമ്മൂട്ടിയെക്കൊണ്ട്‌ മഹനീയമായ ഒരു വേഷം ചെയ്യിച്ചു എന്ന്‌ ക്രെഡിറ്റ്‌ പറയിപ്പിക്കാന്‍ വേണ്ടി ഒരു സിനിമ എന്ന്‌ മാത്രമേ ഈ ചിത്രത്തെ വിലയിരുത്താന്‍ സാധിക്കൂ.

ബെന്നി പി നായരമ്പലത്തില്‍ നിന്ന്‌ പ്രേക്ഷകര്‍ പ്രതീക്ഷിക്കുന്ന കാര്യങ്ങള്‍ തന്നെ ഒരു നാടകീയഭാവത്തില്‍ വെളിപ്പെടുത്തിക്കൊണ്ട്‌ വരുമ്പോള്‍ അത്‌ ആസ്വദിക്കാന്‍ അതി കഠിനമായ ക്ഷമ തന്നെ വേണം.

കോമഡി ഉണ്ടാക്കാനുള്ള തട്ടിക്കൂട്ട്‌ ശ്രമങ്ങളും ദയനീയം തന്നെ.

അജു വര്‍ഗീസിനെ മരത്തില്‍ കയറ്റുമ്പോള്‍ തന്നെ താഴെ വീഴ്ത്തി എല്ലാവരും കൂടി തമാശിച്ച്‌ ചിരിക്കും എന്ന്‌ ഊഹിക്കാം.

അതുപോലെ തന്നെ സസ്പെന്‍സ്‌ ഉണ്ടാക്കാനുള്ള ശ്രമങ്ങളും ഏത്‌ വഴിയ്ക്കാണ്‌ പോകുന്നതെന്ന്‌ വളരെ ക്രിത്യമായി മനസ്സിലാകുന്നതിനാല്‍ അത്‌ കണ്ട്‌ തീര്‍ക്കല്‍ ഒരല്‍പ്പം ബുദ്ധിമുട്ടാണ്‌.

ഒടുവില്‍ നായകനെ കുരിശില്‍ കയറ്റിയപ്പോള്‍ മനസ്സിലുണ്ടായിരുന്ന ആ രൂപം പോയിക്കിട്ടി.

Rating : 3 / 10


നോര്‍ത്ത്‌ 24 കാതം

നായകണ്റ്റെ സ്വഭാവത്തിലെ പ്രത്യേകതകള്‍ കാണിക്കാന്‍ ആദ്യ പകുതിയിലെ കുറേ സമയം നീക്കിവെച്ചിരിക്കുന്നു.

 സ്വന്തം വീട്ടില്‍ ഇയാളുടെ ഫോര്‍മാലിറ്റി നമ്മെ ചെറുതായൊന്ന്‌ അത്ഭുതപ്പെടുത്തും.

ഒരു സാഹചര്യത്തില്‍ ഇദ്ദേഹം ഒരു ട്രെയിന്‍ യാത്ര ചെയ്യേണ്ടിവരുന്നു. ആ ട്രെയിന്‍ യാത്രയുടെ ഇടയ്ക്ക്‌ വെച്ച്‌ ഇയാളുടെ അതുവരെ കാണിച്ച്‌ വിശദീകരിച്ച സ്വഭാവരീതികള്‍ മാറി മറിയുന്നത്‌ കാണുമ്പോള്‍ അല്‍പം സാമാന്യബൊധമുള്ള പ്രേക്ഷകന്‌ ചെറിയൊരു അത്ഭുതം തോന്നും.

ഭാര്യയ്ക്ക്‌ സീരിയസ്‌ ആണെന്നറിഞ്ഞ്‌ കൊല്ലത്തിനടുത്തുള്ള സ്റ്റേഷനില്‍ ഇറങ്ങുന്ന ഒരു വൃദ്ധന്‍, കൂടെ കൂടുന്ന ട്രെയിനിലെ പരിചയക്കാരിയായ നാരായണിയെയും ചുമ്മാ പുറകെ വരുന്ന നായകനെയും കൊണ്ട്‌ മുതു പാതിരായ്ക്ക്‌ എങ്ങോട്ടെന്നില്ലാതെ നടന്ന്‌ കോഴിക്കോട്‌ പറ്റാമെന്ന്‌ വിചാരിക്കുമ്പോള്‍ പ്രേക്ഷകര്‍ക്ക്‌ ശരിയ്ക്കും വിഭ്രാന്തിയാകും.

"ദിശ അറിയില്ല, വഴി അറിയില്ല, നടന്നു നോക്കാം" എന്ന ഉദാത്തമായ ചിന്തയും അതിണ്റ്റെ പിന്നാലെ തുള്ളുന്ന രണ്ടെണ്ണവും.

ഭാര്യയുടെ അസുഖവിവരം അറിയാനുള്ള മാര്‍ഗ്ഗങ്ങളെല്ലാം ഫോണുകളെയും നമ്പറുകളെയും ചാര്‍ജ്‌ തീര്‍ത്തും തെറ്റിച്ചും ഇല്ലാതാക്കിയിട്ടും ഒരു സന്തോഷപ്രദമായ യാത്രയാക്കി മാറ്റുമ്പോള്‍ നൊമ്പരം പ്രേക്ഷകര്‍ക്കാണ്‌.

ഫഹദ്‌ ഫാസില്‍ തണ്റ്റെ കഥാപാത്രത്തെ ഭംഗിയയി അവതരിപ്പിച്ചെങ്കിലും കഥാപാത്രത്തിണ്റ്റെ രൂപീകരണത്തിലുള്ള ന്യൂനതകള്‍ തെളിഞ്ഞു നിന്നു.

വ്യത്യസ്തമയ ഒരു സിനിമ എന്ന്‌ പറയിപ്പിക്കാന്‍ ശ്രമം നടത്തിയെങ്കിലും അതിനുള്ള സാദ്ധ്യതകളെ ഉപയോഗിക്കാതെ ഒട്ടും സത്യസന്ധമല്ലാത്ത കഥാഗതിയോടെ ഒരു ഭേദപ്പെട്ട ഒരു ചിത്രമാക്കിയെടുക്കുന്നതില്‍ ഇതിണ്റ്റെ സംവിധായകന്‍ പരാജയപ്പെട്ടിരിക്കുന്നു എന്നതാണ്‌
സത്യം.

Rating :  4.5 / 10


ആര്‍ട്ടിസ്റ്റ്‌ 

വളരെ സത്യസന്ധമായ ചില സന്ദര്‍ഭങ്ങള്‍ ഉണ്ടെങ്കിലും സാധാരണ പ്രേക്ഷകന്‌ ആസ്വാദ്യകരമായ ജീവിതസന്ദര്‍ഭങ്ങളൊ അനുഭവങ്ങളോ കാര്യമായൊന്നും സംഭാവന ചെയ്യാന്‍ ഈ ചിത്രത്തിന്‌ സാധിച്ചെന്ന്‌ തോന്നുന്നില്ല.
അതുകൊണ്ട്‌ തന്നെ, പ്രേക്ഷകര്‍ ഈ ചിത്രത്തെ കാര്യമായി സ്വാഗതം ചെയ്തുമില്ല എന്നതാണ്‌ ചില തീയ്യറ്റര്‍ സാഹചര്യങ്ങള്‍ പറഞ്ഞുതരുന്നത്‌.

ഫഹദ്‌ ഫാസില്‍ ആയാസരഹിതമായ തണ്റ്റെ അഭിനയശൈലിയില്‍ തണ്റ്റെ കഥാപാത്രത്തെ നന്നായി അവതരിപ്പിച്ചപ്പോള്‍ ആന്‍ അഗസ്തിന്‍ തണ്റ്റെ സ്വതസിദ്ധമായ ശൈലിയില്‍ പ്രേക്ഷകരെ വെറുപ്പിച്ചു.

Rating : 4.5 / 10


നീലാകാശം പച്ചക്കടല്‍ ചുവന്ന ഭൂമി 

വ്യത്യസ്തവും മനോഹരവുമായ കാഴ്ചകളിലൂടെയും ജീവിത സംസ്കാരങ്ങളിലൂടെയുമുള്ള ഒരു യാത്ര സമ്മാനിക്കാന്‍ ഈ ചിത്രത്തിന്‌ സാധിച്ചിരിക്കുന്നു.

ഈ ചിത്രത്തിണ്റ്റെ സംഗീതവും സാങ്കേതികമികവും നല്ലൊരു ആസ്വാദനസുഖം സമ്മാനിക്കുന്നു. 

ചില സന്ദര്‍ഭങ്ങള്‍ ഒരല്‍പ്പം നാടകീയവും അവിശ്വസനീയവുമാണെങ്കിലും മൊത്തം ചിത്രത്തിണ്റ്റെ സുഖത്തില്‍ ആ ന്യൂനതകള്‍ വിസ്മരിക്കാവുന്നതേയുള്ളൂ.

Rating : 6.5 / 10

6 comments:

സൂര്യോദയം said...

ചില സാങ്കേതിക കാരണങ്ങളാലും പ്രതികൂല സാഹചര്യങ്ങളാലും ഈ റിവ്യൂ ഒരല്‍പ്പം വൈകിപ്പോയി.

nithin said...

ningal cleetus num neelakasatinum kodutha rating nodu yochikkunnu......
bakkiyellam valare mosham...artist,north 24 ennivayku thankal ozhike mattarum ingane review cheyyilla

Unknown said...
This comment has been removed by the author.
Unknown said...

kond podo thande koppile review...
north 24,artist-4.5/10...
thaan padam kandoittano review ezhuthiyath..

shajitha said...

clear cut review

സൂര്യോദയം said...

I respect your opinions. This is not a professional review, but the feeling of a normal audience and his personal view. I have my own reasons for the ratings which are explained in the reviews itself :)